Unser diesjähriger Musiausflug führte uns zur Musikkapelle Aschbach-Markt, wo wir 2 schöne Tage verbrachten und am Sonntag Messe und Frühschoppen spielen durften. Und weils so fesch woa, folgt eine kleine Zusammenfassung in Gedichtform.
Noch Niederösterreich san ma gfoan mit Instrument, Tracht und Huat – zerst ind Destillerie Farthofer, do gehts uns guad!
Beim Minigolf hods wos zum Lachen gebn,
weil a boa Bälle ins Loch san owa a vü danebn.
Als nächstes: ab ins Wiesenfest-Zelt – dank guada Musi sowie Essn & Tringa hod uns nix gfehlt!
Nachm Schlafen in super Quartiere bei nette Leid, hod boid in da Frua da Wecker gleit.
Wir hom d Mess gestaltet und san zum Fest marschiert – dann hom ma uns auf da Bühne platziert.
S Frühschoppen spün hod uns großen Spaß gmocht – a wenns a weng hoaß woa mid da Trocht.
Danke an alle für d großartige Stimmung und n Applaus, do kimmt ma goa nimma ausm Grinsen raus.
Und vergelt’s Gott an d MK Aschbach-Markt fia eicha Gastfreundschaft – des Wochenende bei eich woa einfoch traumhaft!